Warsha Singh, vistfræðingur á uppsjávarsviði Hafrannsóknastofnunar, hefur verið valin til að taka þátt í Alþjóðlegum degi kvenna í marghliða samvinnu 2024. Viðburðurinn er á vegum menningar- og menntamálastofnunar Sameinuðu þjóðanna (UNESCO) og verður haldinn 25. janúar nk. í höfuðstöðvum þeirra í París.

Hafnarfjarðarhöfn iðar af lífi um þessar mundir, sem óneitanlega er staða sem stingur í stúf við upplifun fólks á landi vegna þess fimbulkulda sem nú ríkir um hávetur sem og undangenginna náttúruhamfara á Reykjanesinu, steinsnar frá. Að öllum líkindum hefur smásíld gengið í höfnina sem selir og hnúfubakar hafa gætt sér á, en um leið hefur heimsókn þeirra glatt vegfarendur við höfnina. Ekki síst starfsfólk Hafrannsóknastofnunar, sem eðli málsins samkvæmt er óvenju áhugasamt um lífríki sjávar.  

Hafrannsóknastofnun gaf nýlega út viðamikla skýrslu um fæðu 36 tegunda botnfiska á Íslandsmiðum frá 1996 til 2023 og var alls skoðað í maga 590 þúsund botnfiska á tímabilinu. Af þessum 36 tegundum eru 17 þar sem fæðu hefur ekki áður verið lýst með magnbundnum hætti hér við land.

Nýtt rannsóknaskip Hafrannsóknastofnunar verður sjósett síðdegis í dag 12. janúar í borginni Vigo á Spáni. Skipinu verður gefið nafnið Þórunn Þórðardóttir með formlegum hætti við það tækifæri. Nafnið fær skipið eftir fyrstu íslensku konunni sem var sérfræðimenntuð í hafrannsóknum og miklum frumkvöðli í rannsóknum á smáþörungum í hafinu við Ísland.

Dóra Magnúsdóttir hefur verið ráðin í nýtt starf samskiptastjóra. Þessi nýja staða og sterki liðsauki gerir stofnuninni kleift að fylgja stefnu sinni um aukna áherslu á á upplýsingamiðlun, samskipti og almannatengsl.

iATLANTIC er alþjóðlegt verkefni sem býr til reiknilíkön til að kanna haffræðilega ferla, kortleggur búsvæði, greinir breytingar í gerð vistkerfa í tíma og rúmi og metur áhrif hlýnunar á vistkerfi með meiru.

Bestu óskir um gleðilega hátíð og farsælt komandi ár.

Af 416 meintum eldislöxum hafa 298 verið greindir til uppruna en 110 laxar eru enn í greiningu.

Skýrsla um afrakstur átaksverkefnis um loðnurannsóknir 2018-2022 hefur nú verið birt bæði á íslensku og ensku.

Skýrsla um helstu niðurstöður stofnmælingar botnfiska að haustlagi. Verkefnið hefur verið framkvæmt með sambærilegum hætti frá árinu 1996.