Ísafjörður

Starfsstöðin á Ísafirði hefur verið starfrækt í sama húsi síðan 1976. Viðfangsefnin hafa alla tíð verið af margvíslegum toga og endurspeglast nokkuð af viðfangsefnum stofnunarinnar í heild en einnig af því umhverfi sem starfsemin fer fram í.

Meðal helstu viðfangsefna eru:

• Gagnasöfnun úr lönduðum afla. Felst í sýnatökum á flestum tegundum frá fiskiskipum, árið um kring.
• Umhverfisáhrif sjókvíaeldis. Vöktun á áhrifum eldis á vistkerfi fjarða. Viðamikið verkefni styrkt af Umhverfissjóði sjókvíaeldis.
• Rannsóknir á líffræði og stofnstærð hrognkelsis.
• Umsjón og notkun neðansjávarmyndavéla. Starfstöðin hefur með höndum alla umsjón og notkun á búnaði stofnunarinnar til myndatöku neðansjávar.
• Söfnun og greining fæðu þorsks, ýsu og ufsa úr afla fiskiskipa. Með samkomulagi við sjómenn er sýnum safnað allt árið.
• Stofnstærð humars. Unnið úr viðamiklu myndefni og háfsýnum.
• Kennsla við Háskólasetur Vestfjarða.
• Eftirlit og umsjón með viðhaldi á veiðarfærum sem notuð eru við stofnmat. Viðhaldsvinnan fer fram hjá Hampiðjunni á Ísafirði.
• Starfsmenn taka þátt í fjölmörgum leiðöngrum stofnunarinnar sem snúa að ýmsum viðfangsefnum, m.a. stofnmælingu botnfiska, loðnu, humars og rækju.

Hafrannsóknastofnun Ísafirði

Árnagötu 2-4
400 Ísafjörður
Sími: 575 2300