Gleðin leynir sér ekki í svip Ásgeirs Gunnarssonar sérfræðings Hafrannsóknastofnunar yfir léttu spjalli við hlýra í árlegri stofnmælingu botnfiska á rannsóknaskipinu Árna Friðrikssyni. Þessi árlega sjóferð er þekkt er sem vor- eða marsrall meðal starfsfólks Hafrannsóknastofnunar og útgerðar.

Útlit er fyrir að þrír sterkir árgangar af norsk-íslenska síldarstofninum séu að alast upp í Barentshafi um þessar mundir. Þetta eru niðurstöður árlegs vistkerfisleiðangurs í Barentshafi sem er samvinnuverkefni Norðmanna og Rússa, og greint er frá m.a. á vef norsku Hafrannsóknastofnunarinnar, sjá nánar hér. Leiðangurinn var farinn á tímabilinu 10. ágúst til 7. október 2023 með þátttöku fjögra rannsóknaskipa.

Hafrannsóknarstofnun leitar eftir framúrskarandi háskólanemum, úr líffræði, efnafræði, eðlisfræði, tölvunarfræði eða tengdum greinum, til starfa í sumar. Starfstímabil háskólanema er um 3 mánuðir eða samkvæmt frekara samkomulagi.

Nokkur óvissa er því um hvort aukning í fjölda humarhola, sé til kominn vegna nýliðunar, en talið er að humarholur séu greinanlegar frá því að dýrin eru um 17 mm á skjaldarlengd, sem samsvarar um þriggja ára humri. Til að minnka álag á humarslóð ráðleggur Hafrannsóknastofnun að veiðar með fiskibotnvörpu verði áfram bannaðar á afmörkuðum svæðum í Breiðamerkurdjúpi, Hornafjarðardjúpi og Lónsdjúpi.

Myndir: Warsha Singh, vistfræðingur á uppsjávarsviði Hafrannsóknastofnunar, var valin til að taka þátt í Alþjóðlegum degi kvenna í marghliða samvinnu 2024 en viðburðurinn var á vegum menningar- og menntamálastofnunar Sameinuðu þjóðanna (UNESCO) þann 25. janúar.

Í nýlegri grein sem birtist í tímaritinu Fish Biology er greint frá því að rannsakendur Hafrannsóknastofunar fundu 700 fisklirfur í maga hlýra (Anarhichas minor) og voru þær greindar sem dílamjóri (Lycodes esmarkii). Lirfurnar voru allar álíka mikið meltar þannig að hlýrinn hefur étið þær allar á sama tíma. Samkvæmt þessu þá hrygnir dílamjóri eggjum sínum í hreiður og eftir klak eru lirfurnar í því í einhvern tíma.

Hafrannsóknastofnun leitar að jákvæðum og metnaðarfullum einstaklingi í starf vélstjóra á rannsóknaskip stofnunarinnar til starfa sem fyrst. Um er að ræða tímabundið starf til árs með möguleika á framlengingu.

Hafrannsóknastofnun leitar eftir metnaðarfullum, öflugum og traustum sérfræðingi í mannauðsmálum til starfa sem fyrst.

Síðastliðna viku hefur mælst afar lítið af loðnu í annarri yfirferð loðnumælinga á árinu. Með það að markmiði að vakta loðnumiðin tóku íslensk uppsjávarveiðiskip að sér að sigla eftir ákveðum leiðarlínum til og frá kolmunnaveiðum. Það bar árangur strax á fyrsta degi þegar Svanur RE rakst á torfur suðaustur af landinu í gær 13. febrúar.

Önnur yfirferð loðnumælinga á árinu er nú langt komin með þátttöku þriggja uppsjávarveiðiskipa. Þótt yfirferðinni sé ekki lokið vill Hafrannsóknastofnun upplýsa strax að mjög lítið hefur mælst af loðnu það sem af er þessari febrúar mælingu. Gert er ráð fyrir frekari vöktun og yfirferð að þessum mælingum loknum en fyrirkomulag þeirra skýrist seinna í vikunni.