Fréttir & tilkynningar

Á mánudag uppgötvaðist að vatn eða sjór væri í brennsluolíu á Bjarna Sæmundssyni. Síðan þá hefur verið unnið að því að finna út hvaðan það kemur. Ljóst er að vatnið eða sjórinn er frá vatnslögnum eða tönkum innan skipsins.

Áhöfn rannsóknaskipsins Árna Friðrikssonar, flugmenn flugvélar Isavia og stjórnandi og varðstjórar í stjórnstöð LHG hljóta viðurkenningu fyrir þátt sinn í björgun áhafnar bandarískrar skútu í sumar.

Stangveiðin 2017 var nærri langtímameðaltali. Veiðin á Vesturlandi 2017 var svipuð og hún var 2016 en minnkun í öðrum landshlutum.

Miðvikudaginn 4. okóber kl. 12:30.

Í vikunni lauk fundi ráðgjafarnefndar Alþjóðahafrannsóknaráðsins (ICES) þar sem m.a. var fjallað um ráðgjöf um heildarafla norsk-íslenskrar vorgotssíldar, kolmunna og makríls í Norðaustur-Atlantshafi fyrir árið 2018. Íslendingar stunda umtalsverðar veiðar úr þeim stofnum.

Ríkiskaup, fyrir hönd Hafrannsóknastofnunar, óska eftir tilboðum í leigu á togara til verkefnisins „Stofnmæling botnfiska á Íslandsmiðum“. Að þessu sinni er óskað eftir einum togara á NA-svæði í þrjár vikur í mars árið 2018, eða til fleiri ára.

Miðvikudaginn 27. september kl. 12:15.

Fiskeldismál hafa verið í brennidepli umræðunnar og miðvikudaginn 27. september mun atvinnuvega- og nýsköpunarráðuneytið halda opinn morgunfund um Áhættumat Hafrannsóknastofnunar vegna mögulegrar erfðablöndunar frá laxeldi sem stofnunin gaf út síðastliðið sumar.

Í leiðangri Hafrannsóknastofnunar, sem farinn var til rannsókna á flatfiski á grunnslóð við landið nú í lok ágúst, veiddist brislingur í fyrsta skipti við Ísland. Einungis einn fiskur veiddist og var hann 15 cm langur. Fiskurinn fékkst á 20 m dýpi undan Eyjafjallasandi.

Rannsóknaskipið Bjarni Sæmundsson lagði af stað í loðnuleiðangur í gær, 21. september, 11 dögum seinna en áætlað var.