Sunnudalsá 2012. Seiðabúskapur og veiði

Í þessari skýrslu birtast niðurstöður rannsókna á fiskistofnum Sunnudalsár í Vopnafirði sumarið 2012. Allt frá árinu 1988 hefur verið rafveitt í Sunnudalsá til að fylgjast með seiðabúskap árinnar, en fyrstu árin var aðeins veitt á einni stöð á fiskgengu svæði og síðar á tveimur stöðum. Frá árinu 2002 hefur verið rafveitt bæði ofan og neðan fossins. Veidd hafa verið seiði á fjórum stöðvum fyrir ofan foss og tveimur stöðvum neðan hans.