Mat á búsvæðum laxfiska á vatnasvæði Varmár og Þorleifslækjar

Unnið var mat á búsvæðum fyrir Varmá og Þorleifslæk ásamt helstu þverám og lækjum. Búsvæði voru metin fyrir urriða, enda urriði ríkjandi tegund laxfiska. Bestu svæðin (hæsta framleiðslugildi) eru ofantil í Varmá, einkum inn af Hveragerði. Einnig eru góð svæði í þverám og lækjum. Á neðri hluta Varmár og Þorleifslækjar eru búsvæði lakari. Víða gætir jarðhitaáhrifa og á svæðum í Grændalsá virðist hitinn það hár að ætla má að sjógenginn urriði eigi þar erfitt uppdráttar.