Göngur laxfiska um fiskveg við Kattarfoss í Hítará 2011

Fiskteljari var starfræktur við Kattarfoss í Hítará frá 7. júní til 19. október 2011.  Alls gengu 113 laxar og 2 silungar upp fyrir fiskteljarann og var gangan sú minnsta frá upphafi talninga árið 2007.  Truflanir komu fram á starfsemi teljarans síðari hluta tímabilsins og náðist því ekki heildartalning á göngunni.  Hlutfall tveggja ára laxa af göngunni upp fyrir foss árið 2011 var 34 % og stærsti laxinn sem gekk upp fyrir fossinn var áætlaður um 11 kg að þyngd.