Handbók um stofnmælingu rækju 2025

Ágrip

Í handbókinni er lýst framkvæmd rannsóknaverkefnisins ‚Stofnmæling rækju‘. Farið er yfir framkvæmd í leiðöngrum sem fara fram við Snæfellsnes í apríl og í Arnarfirði og Ísafjarðardjúpi í september 2025. Lýst er nákvæmlega fyrirhugaðri framkvæmd, m.a. umfangi gagnasöfnunar, hvernig safna eigi líffræðilegum upplýsingum, skráningu mælinga, veiðarfæri og veiðiaðferðum. Einnig eru fyrirmæli um það hvernig aðferðum skuli beitt við tog og gefnar nákvæmar staðsetningar og aðrar upplýsingar um togstöðvar.