Vatnalífsrannsóknir í Úlfljótsvatni 2020. HV 2021-36

Greint er frá niðurstöðum rannsókna á lífríki Úlfljótsvatns sem fram fóru á tímabilinu 2. til 23. september 2020. Rannsóknin beindist að mælingu á lífmassa þörunga (blaðgrænu a), sviflægum krabbadýrum, botnlægum hryggleysingjum og fiskum. Leiðni í Úlfljótsvatni, neðan við Steingrímsstöð, var mjög svipuð og mældist í útfalli Þingvallavatns í september 2020. Sýrustig (pH) mældist hins vegar nokkuð hærra í fjörubelti Úlfljótsvatns en í útfalli Þingvallavatns, líklega vegna frumframleiðslu þörunga. Styrkur næringarefna var að jafnaði lágur í útfalli Þingvallavatns en basavirkni (alkalinity) nokkuð stöðug yfir árið (2020).