Vatnakerfi Blöndu 2020 – Seiðarannsóknir, stangveiði og göngufiskur. HV 2021-23

Í skýrslunni eru teknar saman niðurstöður seiðarannsókna og stangaveiði í Blöndu og Svartá sumarið 2020, auk fiskgengdar um fiskteljara í Ennisflúðum og mælinga á vatnshita í Blöndu í Ennisflúðum. Þéttleiki og ástand seiða var kannað með rafveiðum í júlí. Laxaseiði veiddust á öllum stöðvum í Blöndu og voru þau vorgömul til þriggja ára, en bleikjuseiði á einum stað og urriðaseiði á fjórum stöðum. Laxaseiði veiddust á öllum sex stöðvunum í Svartá, auk bleikjuseiða á fjórum stöðvum og urriðaseiða á fimm stöðvum. Vísitala þéttleika laxaseiða í Blöndu árið 2020 mældist svipuð og 2018 og 2019, en nokkru lægri en árin 2015-2017. Í Svartá mældist vísitala þéttleika laxaseiða 5,3 seiði/100 m² og lækkaði mikið milli ára.