Langá á Mýrum 2017. Samantekt um vöktunarrannsóknir. HV 2018-02

Hafrannsóknastofnun(áður Veiðimálastofnun) hefur unnið árlega að seiðarannsóknum á þéttleika, meðallengd og lífmassa seiða í Langá (frá 1986). Mat á búsvæðum og framleiðslugetu árinnar liggur fyrir (frá 2001) og með starfrækslu fiskteljara í Sveðjufossi (frá 2000) og í Skuggafossi (frá 2008) hafa bæst við gögn sem er grundvöllur að stofnstærðarmati hrygningarstofnsins. Einnig fer fram vöktun á lífssögulegum þáttum (ferskvatnsaldur, sjávaraldur, endurtekin hrygning) með skipulegri söfnun hreistursýna (frá 2001).