Könnun á útbreiðslu skollakopps (Strongylocentrotus droebachiensis) í Fáskrúðsfirði 2021. HV 2021-43

Í skýrslunni er gerð grein fyrir niðurstöðum könnunar í leit að skollakoppsmiðum í Fáskrúðsfirði þann 5. mars 2021. Við veiðarnar var notaður 300 kg ígulkeraplógur sem hafði verið léttur um helming og riðill í poka stækkaður úr 100 mm í 145 mm frá fyrri könnun í firðinum árið áður. Skipstjóri um borð í leiðangrinum sá um skráningu á afla og myndatökur þar sem undanþága fyrir viðveru veiðieftirlitsmanns var veitt. Myndefni af afla var yfirfarið af sérfræðingum Hafrannsóknastofnunar sem greindu og skráðu meðaflategundir sem sáust á myndunum.