Farleiðir gönguseiða laxa á ósasvæði Elliðaáa – áfangaskýrsla 2017. HV 2018-13

Reykjavíkurborg áætlar 13 ha landfyllingu austan megin á ósasvæði Elliðaáa til að auka uppbyggingarmöguleika borgarinnar. Svæði sem fer
undir landfyllingu er mögulega nýtt af laxa‐ og urriðaseiðum á göngu sinni úr Elliðaám til sjávar. Til að reyna að meta áhrif landfyllingarinnar á laxastofna Elliðaánna var, árið 2017, gerð rannsókn á farleiðum laxaseiða í Elliðaárvogi. Tólf hlustunarduflum var komið fyrir á og
við fyrirhugað landfyllingarsvæði og 22 laxaseiði voru merkt með hljóðsendimerkjum á göngu sinni til sjávar. Með þessari uppsetningu var gróflega hægt að fylgjast með göngu seiðanna og staðsetja þau í tíma og rúmi meðan þau voru innan hlustunarsviða hljóðduflanna.