Seiðabúskapur Blöndu 2012

Þann 13. júlí 2012 var þéttleiki og ástand seiða á vatnasvæði Blöndu kannað. Í þeim tilgangi var veitt með rafmagni á samtals 1213 m2 á tveimur stöðvum í Blöndu og fjórum stöðvum í Svartá. Vísitala þéttleika laxaseiða allra árganga á öllum stöðvum í Blöndu reiknaðist vera 30,0/100 m2 og í Svartá var þéttleikinn 10,5/100 m2. Í Blöndu veiddust þrír yngstu árgangar laxaseiða á báðum stöðvum. Í Svartá varð ennfremur vart við þriggja ára seiði en tveggja vetra seiði fundust aðeins á einni stöð í ánni. Miðað við gögn úr seiðarannsóknum fyrri ára eru þeir árgangar sem búast má við að gangi til sjávar næsta sumar stórir í báðum ám. Svo virðist sem að seiði vaxi hraðar í vatnakerfinu en áður og seiði gangi yngri til sjávar. Það þýðir að færri seiðaárgangar standa undir veiðinni hverju sinn. Reglubundnar mælingar á seiðabúskap eru því enn mikilvægari en áður til að meta seiðaástand ánna. Mikilvægt er einnig að hreistri sé safnað og það greint til að fylgjast með laxastofninum og endurheimtur seiða.