Hörpudiskur Chlamys islandica
Birting ráðgjafar: 7. June 2024. Útgefið af Hafrannsóknastofnun.
Ráðgjöf
Hafrannsóknastofnun ráðleggur í samræmi við varúðarsjónarmið að heildarafli fiskveiðiárið 2024/2025 verði ekki meiri en 50 tonn í Breiðasundi og 25 tonn í Hvammsfirði og veiðar á öðrum svæðum í Breiðafirði verði ekki heimilaðar.
Stofnþróun
Hafrannsóknastofnun getur ekki metið stöðu stofnsins og veiðiálag m.t.t. aðgerðarmarka hámarksafraksturs (MSY) þar sem viðmiðunarmörk hafa ekki verið skilgreind.
Hörpudiskur. Afli við Ísland og lífmassavísitala á veiðislóð í Breiðasundi og Hvammsfirði 2014-2019, við Flatey og Látralönd 2015-2019 og við Bjarneyjar og Rúfeyjar 2016-2019.
Forsendur ráðgjafar
| Forsendur ráðgjafar | Varúðarnálgun |
|---|---|
| Aflaregla | Ekki hefur verið sett aflaregla fyrir þennan stofn |
| Stofnmat | Byggt á vísitölum um lífmassa hörpudisks |
| Inntaksgögn | Vísitölur úr stofnmælingu (myndavélaleiðangur) |
Engar nýjar upplýsingar liggja fyrir um stofnstærð hörpudisks í Breiðafirði þar sem ekki voru farnir stofnmælingaleiðangrar árin 2022-2024. Því er ekki hægt að uppfæra ráðgjöfina sem byggir á aðferðarfræði Alþjóðahafrannsóknaráðsins fyrir stofna þar sem ekki er hægt að framkvæma tölfræðilegt stofnmat (Category 3 stocks; ICES, 2021).
Hörpudiskur. Útreikningar ráðgjafar í Breiðasundi í Breiðafirði.
Hörpudiskur. Útreikningar ráðgjafar í Hvammsfirði í Breiðafirði.
Gæði stofnmats
Engar nýjar upplýsingar liggja fyrir um stofnstærð hörpudisks í Breiðafirði þar sem ekki voru farnir stofnmælingaleiðangrar árin 2020-2024. Án upplýsinga úr stofnmælingaleiðöngrum mun Hafrannsóknastofnun ekki geta metið ástand hörpudisks í Breiðafirði árið 2024. Stofnmælingaleiðangur er fyrirhugaður síðar á árinu 2024.
Aðrar upplýsingar
Veiðisvæði hörpudisks í Breiðasundi afmarkast af eftirfarandi hnitum:
65°03,60ˈN, 022°43,50ˈV
65°07,10ˈN, 022°43,50ˈV
65°07,10ˈN, 022°31,50ˈV
65°03,60ˈN, 022°31,50ˈV
Veiðisvæði hörpudisks í Hvammsfirði afmarkast af eftirfarandi hnitum:
65°04,00ˈN, 022°21,00ˈV
65°07,00ˈN, 022°21,00ˈV
65°07,00ˈN, 022°12,00ˈV
65°04,00ˈN, 022°12,00ˈV
Hörpudiskur. Tillaga að skiptingu veiðisvæða í Breiðafirði.
Ráðgjöf, aflamark og afli
Hörpudiskur. Tillögur um hámarksafla í Breiðafirði, ákvörðun stjórnvalda um aflamark og afli (tonn).
* Tilraunaveiðar
Heimildir og ítarefni
ICES. 2021. Tenth Workshop on the Development of Quantitative Assessment Methodologies based on LIFE-history traits, exploitation characteristics, and other relevant parameters for data-limited stocks (WKLIFE X). ICES Scientific Reports. Report. https://doi.org/10.17895/ices.pub.5985
Stofnmatsskýrslur Hafrannsóknastofnunar 2023. Hörpudiskur. Hafrannsóknastofnun, 9. júní 2023.