DJÚPKARFI Sebastes mentella
Birting ráðgjafar: 7. júní 2024. Útgefið af Hafrannsóknastofnun.
Ráðgjöf
Hafrannsóknastofnun og Alþjóðahafrannsóknarráðið ráðleggja, í samræmi við nýtingarstefnu sem mun leiða til hámarksafraksturs til lengri tíma litið (MSY), að afli fiskveiðiárið 2024/2025 verði ekki meiri en 0 tonn.
Stofnþróun
Veiðiálag er yfir kjörsókn (FMSY), gátmörkum (Fpa) og varúðarmörkum (Flim). Stærð hrygningarstofns er undir aðgerðarmörkum (MSY Btrigger), gátmörkum (Bpa) og varúðarmörkum (Blim).
Djúpkarfi. Afli, nýliðun (3 ára), veiðidánartala og stærð hrygningarstofns. Skyggð svæði og öryggisbil sýna 95 % öryggismörk.
Stofnmat og gátmörk
Forsendur ráðgjafar | Kjörsókn (FMSY) |
Aflaregla | Ekki hefur verið sett aflaregla fyrir þennan stofn |
Stofnmat | Tölfræðilegt aldurs-lengdarlíkan (Gadget) sem notar afla í líkani og spám |
Inntaksgögn | Heildarafli; vísitölur úr stofnmælingu botnfiska við Ísland (SMH), lengdardreifingar úr afla; aldurs- og lengdardreifingar úr SMH. |
Nálgun | Viðmiðunarmörk | Gildi | Grundvöllur |
|---|---|---|---|
Hámarksafrakstur | MSY Btrigger | 217 563 | Bpa |
FMSY | 0.041 | Fiskveiðidánartala sem leiðir til hámarksafraksturs, byggt á slembihermunum. | |
Varúðarnálgun | Blim | 156 568 | Bloss. Miðgildi hrygningarstofns 2000–2005 |
Bpa | 217 563 | Blim × e1.645σ, σ = 0.2. | |
Flim | 0.079 | Fiskveiðidánartala sem í framreikningum leiðir til þess að miðgildi hrygningarstofns er við Blim | |
Fpa | 0.041 | Hæsta veiðidánartala þar sem líkurnar á því að hrygningarstofn fari niður fyrir Blim eru <5 % |
Horfur
Djúpkarfi. Forsendur fyrir stofnmatsárið og í framreikningum.
Breyta | Gildi | Athugasemdir |
|---|---|---|
F (2024) | 0.014 | Fiskveiðidánartala sem svarar til áætlaðs heildarafla árið 2024 |
Hrygningarstofn (2025) | 91 426 | Úr framreikningum stofnmats; í tonnum |
Nýliðun 3 ára (2025) | 3.7 | Mat úr stofnmati; í milljónum |
Nýliðun 3 ára (2026) | 3.5 | Mat úr stofnmati; í milljónum |
Afli (2024) | 1 500 | Áætlaður afli byggt á fyrstu átta mánuði fiskveiðiársins 2023/2024; í tonnum |
Djúpkarfi. Áætluð þróun stofnstærðar hrygningarstofns (tonn) miðað við veiðar samkvæmt markmiðum um hámarksafrakstur
Grunnur | Afli (2025) | Veiðidánartala (2025) | Hrygningarstofn (2026) | % Breyting á hrygningarstofni1) | % Breyting á ráðgjöf2) |
|---|---|---|---|---|---|
Hámarksafrakstur | 0 | 0 | 90 571 | -0.9 | |
1) Hrygningarstofn árið 2026 miðað við hrygningarstofn 2025 | |||||
2) Ráðlagt aflamark fyrir 2025 miðað við ráðlagt aflamark 2024 (0 t) | |||||
Gæði stofnmats
Stofnmat djúpkarfa var samþykkt á rýnifundi Alþjóðahafrannsóknaráðsins (ICES, 2023) og er stofninn nú metinn m.t.t. hámarksafraksturs. Nýja stofnmatslíkanið, Gadget, nýtir upplýsingar um aldurs- og stærðarsamsetningu í stofni og í afla. Þessi breyting er talin auka gæði stofnmatsins og treysta grunn ráðgjafar þar sem stofnþróun er betur lýst með því að taka tillit til breytinga á aldurs- og stærðarsamsetningu.
Árið 2024 uppgötvaðist villa í útreikningi á stærð hrygningarstofns sem leiddi til heildarendurmats á tímaröðinni. Það var því nauðsynlegt að endurskoða viðmiðunarpunkta fyrir stofninn. Þetta leiddi til þess að varúðarmörk (Blim) og gátmörk (Bpa) voru metin hærri en áður en kjörsókn (Fmsy) metin lægri. Þessar breytingar höfðu ekki áhrif á ráðgjöf síðasta árs.
Djúpkarfi Núverandi stofnmat (rauð lína) borið saman við stofnmat ársins 2023
Aðrar upplýsingar
Djúpkarfi er hægvaxta og seinkynþroska tegund og er slíkum tegundum sérstaklega hætt við ofveiði. Smáum djúpkarfa (≤30 cm) í stofnmælingaleiðangri hefur fækkað mikið frá árinu 2007 sem gefur til kynna að nýliðun sé lítil. Þar sem ekki er að vænta umtalsverðrar nýliðunar á næstu árum er líklegt að framleiðni stofnsins minnki. Í fyrirsjáanlegri framtíð mun hrygningarstofn halda áfram að minnka, óháð nýliðun, vegna þess hve seint djúpkarfi verður kynþroska.
Ráðgjöf, aflamark og afli
Djúpkarfi. Tillögur um hámarksafla, ákvörðun stjórnvalda um aflamark og afli (tonn).
Fiskveiðiár | Tillaga | Aflamark | Afli alls |
|---|---|---|---|
2010/2011 | 10 000 | 12 500 | 12 085 |
2011/2012 | 10 000 | 12 000 | 12 321 |
2012/2013 | 10 000 | 10 000 | 10 396 |
2013/2014 | 10 000 | 10 000 | 9 753 |
2014/2015 | 10 000 | 10 000 | 9 037 |
2015/2016 | 10 000 | 10 000 | 9 599 |
2016/2017 | 12 922 | 12 922 | 8 556 |
2017/2018 | 11 786 | 11 786 | 10 540 |
2018/2019 | 13 012 | 13 012 | 8 660 |
2019/2020 | 12 492 | 12 492 | 10 637 |
2020/2021 | 12 384 | 12 384 | 11 503 |
2021/2022 | 7 926 | 7 926 | 10 035 |
2022/2023 | 6 336 | 6 336 | 8 301 |
2023/2024 | 0 | 0 | |
2024/2025 | 0 |
Heimildir og ítarefni
Stofnmatsskýrslur Hafrannsóknastofnunar 2024. Djúpkarfi. Hafrannsóknastofnun, 7. júní 2024.