Hrognkelsi Cyclopterus lump

Ráðgjöf 2025/2026

2 760

tonn

Ráðgjöf 2024/2025

4 030

tonn

Breyting á ráðgjöf

-32 %

Birting ráðgjafar: 26. mars 2025. Útgefið af Hafrannsóknastofnun.


Ráðgjöf

Hafrannsóknastofnun leggur til, í samræmi við nýtingarstefnu sem mun leiða til hámarksafraksturs til lengri tíma litið, að afli fiskveiðiárið 2024/2025 verði ekki meiri en 2 760 tonn. Hafrannsóknastofnun leggur jafnframt til að upphafsaflamark fiskveiðiárið 2026/2027 verði 662 tonn.

Stofnþróun

Grásleppuvísitala er undir aðgerðarmörkum (ltrigger) en yfir varúðarmörkum (Ilim). Vísitala veiðihlutfalls er við kjörsókn (FMSY proxy).

0 2 4 6 8 10 12 1980 1985 1990 1995 2000 2005 2010 2015 2020 Þús. tonn Afli I t r i g g e r 0 2 4 6 8 10 12 14 16 18 20 1986 1991 1996 2001 2006 2011 2016 2021 Þús. tonn Lífmassavísitala F M S Y p r o x y 0.0 0.2 0.4 0.6 0.8 1.0 1.2 1985 1990 1995 2000 2005 2010 2015 2020 Vísitala veiðihlutfalls

Grásleppa. Grásleppuafli eftir veiðarfærum, vísitala veiðihlutfalls og lífmassavísitala grásleppu úr SMB. Skyggð svæði og öryggisbil sýna 95 % öryggismörk.

Stofnmat og Gátmörk

Ráðgjafareglan byggir á vísitölu veiðihlutfalls, Fproxy = 0.75, sem er afli sem hlufall af vísitölu í SMB. Ef SMB vísitala grásleppu (Iy) er á milli Ilim og Itrigger lækkar veiðihlutfall sem stefnt er að í samræmi við eftirfarandi jöfnu: Fproxy = 0.75 IyItrigger . Ef grásleppuvísitala SMB fer undir lægsta gildi stofnmælingarinnar (Ilim) verður sá hluti aflamarks sem byggir á því ári settur sem núll. Vegna óvissu í mælingunum er tekið tillit til vísitölu fyrra árs (30 % vægi) á móti nýrri mælingu (70 % vægi) við útreikning ráðlagðs hámarksafla (Kennedy ofl. 2021).

Hrognkelsi. Útreikningur ráðgjafar.

Ráðgjöf lækkar fyrir fiskveiðiárið 2024/2025 vegna þess að vísitala stofnstærðar árið 2025 er lægri en árin 2023 og 2024.

Gæði stofnmats

Stofnmæling botnfiska á Íslandsmiðum (SMB) er talin ná yfir útbreiðslu grásleppu með tilliti til dreifingu og dýpis. Stofnvísitala grásleppu hefur sveiflast mikið og því er mikilvægt að afli hvers árs taki mið af stofnstærð sama árs.

Aðrar upplýsingar

Stofnunin leggur áherslu á að bæta þurfi skráningu meðafla og brottkasts við grásleppuveiðar því slíkt hefur þýðingu fyrir nýtingu og stjórnun veiða á stofninum og öðrum tegundum.

Meðafli fugla og sjávarspendýra við grásleppuveiðar árin 2020-2023 minnkaði miðað við fyrri ár (Hafrannsóknastofnun 2024). Ástæður eru taldar tengjast auknu eftirliti, bæði með flygildum og með eftirlitsmönnum um borð í bátum.

Ráðgjöf, aflamark og afli

Hrognkelsi. Tillögur um hámarksafla ásamt upphafsaflamarki og afla (tonn).

Heimildir og ítarefni

James Kennedy og Sigurður Þ. Jónsson 2020 . Umreikningur á fjölda tunna af grásleppuhrognum yfir í óslægðan afla byggður á veiðidagbókum. Haf- og vatnarannsóknir. HV- 2020-32. 9 bls. https://www.hafogvatn.is/static/research/files/hv2020-32.pdf [in English: Converting number of barrels of lumpfish roe to ungutted landings based on logbook data. HV- 2020-33, 9 pp. https://www.hafogvatn.is/static/research/files/hv2020-33.pdf]

James Kennedy, Sigurður Þór Jónsson, Höskuldur Björnsson, Guðmundur J. Óskarsson, Bjarki Þór Elvarsson, Guðmundur Þórðarson (2021) Report on benchmark assessment and revision of an advisory rule for lumpfish around Iceland. KV 2021-1. Kver Hafrannsóknastofnunar https://www.hafogvatn.is/static/research/files/kv2021-1.pdf

Hafrannsóknastofnun 2024. Meðafli fugal og sjávarspendýra í grásleppuveiðum árin 2020-2023. Hafrannsóknastofnun, janúar 2024. https://www.hafogvatn.is/static/extras/images/taekniskyrsla-medafli-fugla-og-spendyra-i-grasleppuveidum-20231429811.pdf