BLÁLANGA

ALMENNAR UPPLÝSINGAR

Blálanga er algengust sunnan, vestan og norðvestanlands á landgrunni Íslands á mun meira dýpi en aðrar þorskfiskategundir. Meðallengd blálöngu í stofnmælingu botnfiska að hausti er um 80 cm og hámarkslengd um 150 cm. Blálanga verður kynþroska á lengdarbilinu 75-90 cm en hængar verða kynþroska yngri og minni en hrygnur. Sjá nánar: https://www.hafogvatn.is/is/sjavardyr/blalanga

VEIÐAR

Útbreiðsla blálönguveiða frá 2003 –2023 er sýnd á Mynd 1 og Mynd 2.

Mynd 1: Blálanga. Útbreiðsla á Íslandsmiðum frá 2003 samkvæmt afladagbókum.

Mynd 2: Blálanga. Afli eftir svæðum ásamt hlutfalli innan hvers svæðis frá árinu 2000 samkvæmt afladagbókum.

Fyrir 2008 var meirihluti blálöngu veiddur í botnvörpu en þá einna helst sem meðafli í grálúðu-, karfa-, og þorskfiskaveiðum (Tafla 1). Mest var veitt á dýpi minna en 700 með botnvörpu og grynnra en 600 m á línu (Mynd 3). Eftir 2007 urði breytingar í blálönguveiðum þegar línubátar fóru að sækja í auknum mæli í blálöngu. Vegna aðgerða í fiskveiðistjórnun lækkaði hlutfallið aftur árið 2015 en á sama tíma fóru línubátar að veiða blálöngu á meira dýpi en áður. Síðustu ár hafa veiðar eftir dýpi verið svipaðar og fyrir árið 2008, eða grynnra en 400 m (Mynd 3). Landaður afli árið 2023 var 412 tonn en af þeim veiddi íslenski flotinn 404 tonn (Tafla 6). Afli jókst um 370 % árin 2006-2010 vegna aukinnar sóknar línubáta. Síðan þá hefur afli minnkað mikið eða um nær 6000 tonn frá 2010 (Tafla 1).

Mynd 3: Blálanga. Afli og hlutfall afla eftir dýpi línuveiða (vinstri) og botnvörpuveiða (hægri) samkvæmt afladagbókum.

Mynd 4: Blálanga. Landaður afli ásamt hlutfalli eftir veiðarfærum frá árinu 1994, samkvæmt aflaskráningarkerfi Fiskistofu.

Tafla. 1: Blálanga. Afli eftir veiðarfærum og fjöldi báta sem veiddu blálöngu.
Ár	Botnvarpa (Fjöldi báta)	Lína (Fjöldi báta)	Annað (Fjöldi báta)	Botnvarpa (tonn)	Lína (tonn)	Annað (tonn)	Heildarafli (tonn)
2000	108	44	36	801	808	25	1634
2001	110	39	48	597	131	34	762
2002	105	41	25	986	256	23	1264
2003	105	47	33	883	197	17	1098
2004	112	53	45	894	145	44	1083
2005	106	60	51	1261	108	126	1496
2006	105	69	47	1477	151	107	1734
2007	97	90	64	1544	374	76	1995
2008	95	92	61	2111	1454	88	3653
2009	89	87	69	2242	1677	211	4129
2010	85	96	73	2202	3978	198	6378
2011	81	97	58	1630	4140	134	5904
2012	79	78	52	1449	2425	332	4207
2013	75	72	45	1300	1420	48	2769
2014	72	74	36	923	628	43	1594
2015	67	78	36	821	868	22	1712
2016	66	54	31	701	213	10	925
2017	57	53	26	436	169	14	619
2018	65	60	20	363	132	7	502
2019	58	54	27	238	161	16	415
2020	58	47	21	264	71	9	344
2021	59	41	20	286	33	4	323
2022	55	37	20	338	86	2	427
2023	52	36	21	304	96	4	404

AFLI Á SÓKNAREININGU (CPUE) OG SÓKN

Sókn og afli á sóknareiningu línu og botnvörpuveiða eru sýnd á Mynd 5. Afli blálöngu á sóknareiningu á Íslandsmiðum er ekki talinn endurspegla lífmassa blálöngu en er þó talinn geta gefið upplýsingar um þróun fiskveiða. Afli á sóknareiningu línuveiða var hár frá 2008-2013 en hefur lækkað hratt síðan. Afli á sóknareiningu botnvörpuveiða hefur einnig minnkað verulega á tímabilinu. Sókn á botnvörpu jókst mikið árið 2009 en minnkaði hratt eftir það. Sókn línuveiða jókst lítillega í kringum 2011 en hefur haldist tiltölulega stöðug.

Mynd 5: Blálanga. Afli á sóknareiningu (vinstri) og sókn (hægri) með línu og botnvörpu samkvæmt afladagbókum þar sem blálanga var skráð í afla.

LANDANIR OG BROTTKAST

Skráningar á löndunum íslenskra fiskiskipa eru í höndum Fiskistofu en skráning landana norskra og færeyskra fiskiskipa er í höndum Landhelgisgæslunnar. Brottkast á bolfiskveiðum á Íslandsmiðum er bannað með lögum. Landanir á blálöngu eru sýndar í Tafla 1 og Tafla 6. Engar upplýsingar eru til um brottkast á blálöngu en það er talið lítið þar sem blálanga er tiltölulega verðmæt tegund, engar lengdartakmarkanir eru við löndun, auk þess sem blálanga var ekki hluti af kvótakerfinu fyrr en 2013/2014.

SÝNASÖFNUN ÚR AFLA

Almennt er sýnasöfnun úr lönduðum afla úr helstu veiðarfærum (botnvörpu og línu) talin nægjanleg. Söfnunin virðist þó ekki alltaf hafa endurspeglað dreifingu botnvörpuveiða nægilega vel (ICES 2012). Dreifing blálönguveiða með botnvörpu og söfnun sýna árið 2023 er sýnd á Mynd 6.

Mynd 6: Blálanga. Efri mynd: Veiðislóð árið 2023 samkvæmt afladagbókum og staðsetning sýna (stjörnur). Neðri mynd: Hlutfall sýna eftir mánuðum (súlur) samanborið við landanir eftir mánuðum (svört lína), skipt eftir árum og helstu veiðarfærum. Tölur fyrir ofan súlur sýna heildarfjölda sýna.

Tafla. 2: Blálanga. Fjöldi lengdarmælinga úr afla íslenskra skipa.
Ár	Lína (Fjöldi sýna)	Lína (Fjöldi mælinga)	Botnvarpa (Fjöldi sýna)	Botnvarpa (Fjöldi mælinga)
2005	1	94	12	1164
2006	0	0	9	824
2007	2	238	12	1461
2008	14	1960	13	1685
2009	15	1940	23	2894
2010	38	5191	29	3161
2011	44	6513	12	1364
2012	27	3829	11	1135
2013	15	1564	6	757
2014	11	1222	5	411
2015	0	0	4	394
2016	0	0	3	309
2018	1	120	2	240
2019	1	120	1	114
2020	1	120	2	126
2021	0	0	7	353
2022	3	253	6	282
2023	1	69	5	406

LENGDARDREIFING AFLA

Alls var 6 sýnum safnað úr veiði árið 2023, 5 úr botnvörpuveiðum og 1 sýni úr línuveiðum (Tafla 2, Mynd 6). Lengdardreifing blálöngu úr afla árin 2015-2023 er sýnd á Mynd 7. Vegna mistaka var engum sýnum safnað úr afla árið 2017.

Mynd 7: Blálanga. Lengdardreifing frá botnvörpu- og línuveiðum árin 2005-2023.

GÖGN ÚR STOFNMÆLINGALEIÐÖNGRUM

Vísitölur úr stofnmælingu botnfiska að vori (SMB, frá árinu 1985) og hausti (SMH, frá árinu 2000) eru sýndar á Mynd 8, lengdardreifingar úr SMH á Mynd 9 og útbreiðsla í SMH á Mynd 10.

Mynd 8: Blálanga. Stofnvísitala (efri til vinstri), vísitala veiðistofns (40 cm og stærri, efri til hægri), vísitala stærri einstaklinga (70 cm og stærri, neðri til vinstri) og nýliðunarvísitala (neðri til hægri), úr stofnmælingum botnfiska að hausti (SMH, rauðir punktar) frá árinu 1996 og vori (SMB, blá lína) frá árinu 1985, ásamt staðalfráviki.

Mynd 9: Blálanga. Útbreiðsla og magn blálöngu í stofnmælingu að vori (SMB) árið 2024 og að hausti (SMH) árið 2023.

Mynd 10: Blálanga. Dreifing lífmassavísitölu í stofnmælingum botnfiska að hausti (SMH) frá árinu 2000.

Mynd 11: Blálanga. Lengdardreifing úr stofnmælingu botnfiska að hausti (SMH) frá árinu 1995

GREINING GAGNA

ALDURSSAMSETNING

Engin gögn eru birt um aldurssamsetningu blálöngustofnsins. Þau gögn sem er til eru ekki sýnd þar sem erfitt er að aldursgreina þessa tegund.

ÞYNGD EFTIR ALDRI

Engin gögn eru birt um þyngd eftir aldri. Þau gögn sem er til eru ekki sýnd þar sem erfitt er að aldursgreina þessa tegund.

KYNÞROSKI OG NÁTTÚRULEGUR DAUÐI

Lengd þar sem 50 % blálöngu er kynþroska er metin vera um 77 cm en 10-90 % blálöngu er talin verða kynþroska á lengdarbilinu 65-90 cm. Engar upplýsingar eru til um náttúrulegan dauða.

LANDANIR OG SÝNASÖFNUN

Sókn og afli á línu jókst hratt árin 2007-2010 og veiðisvæði blálöngu stækkaði. Síðan 2012 snerist það hinsvegar við (Tafla 1). Árið 2005 voru 108 tonn af blálöngu veidd á línu en 1261 tonn í botnvörpu eða um 84 % af heildarafla (1496 tonn). Árið 2011 veiddust 1630 tonn í botnvörpuveiðum eða um 28 % af heildarafla (5904 tonn) en 4140 tonn á línu eða 70 % af heildarafla. Síðan þá hefur hlutfall veitt á línu lækkað og árið 2023 var 25 % veitt á línu og 74 % veitt í botnvörpu. (Mynd 4 og Tafla 1). Meðallengd blálöngu úr línuveiðum er meiri en úr botnvörpuveiðum og því breyttist samsetning aflans þegar línuveiðar jukust árin 2006-2015. Blálönguafli minnkaði frá árinu 2010 til 2013. Sókn með botnvörpu minnkaði árið 2011 og sókn með línu árin 2012 og 2013. Sókn línubáta í blálöngu í dýpri sjó (Mynd 3) leiddi af sér minnkaða sókn á grynnri svæðum.

AFLI OG AFLI ÁSÓKNAREININGU

Afli á sóknareiningu er ekki talinn endurspegla lífmassa blálöngu og aukning á afla á sóknareiningu gæti frekar verið vísbending um aukinn áhuga á blálönguveiðum á línu og aukna sókn í dýpri sjó heldur en aukningu á lífmassa (Mynd 7). Árið 2011-2012 minnkaði sókn með línu en jókst árið eftir og var þá sú mesta á tímabilinu. Afli á sóknareiningu í botnvörpuveiðum hefur verið lítill, jókst lítillega árið 2009 en minnkaði eftir það (Mynd 5).

RANNSÓKNALEIÐANGRAR

Í stofnmælingu að hausti (SMH) er togað á meira dýpi en í stofnmælingu að vori (SMB). Þar sem útbreiðslusvæði blálöngu nær dýpra en stöðvar SMB, veitir SMH betri upplýsingar um stofn blálöngu. Vísitölur sýna aukningu lífmassa árin 2007-2009 en minnkun eftir það. Um 200 % hækkun varð á nýliðunarvísitölu árið 2008 en hún lækkaði árið 2010 og hefur verið lág síðan. Meðallengd hefur þar af leiðandi verið hærri eftir 2009. Enginn stofnmæling var haustið 2011.

STOFNMAT

Stofnmat með GADGET og fyrstu drög

Drög að stofnmati fyrir blálöngu með Gadget líkani voru fyrst kynnt á WGDEEP 2012. Uppfærðar niðurstöður voru kynntar á WGDEEP 2023.

Stofnmat með rfb-aðferð

Grunnur ráðgjafar fyrir fiskveiðiárið 2022/2023 og 2023/2024 fylgir forskrift Alþjóðahafrannsóknaráðsins (ICES) fyrir stofna þar sem ekki er hægt að framkvæma tölfræðilegt stofnmat en til eru vísitölur og aðrar upplýsingar um lífsögulega þætti. Ráðgjöfin byggir á ICES rfb-reglu (ICES 2021) en hún gildir fyrir tvö fiskveiðiár í senn og hefur eftirfarandi form:

\[A_{y+1} = A_{y-1} \ {r}\ {f} \ {b} \ {m}\] þar sem \(A_{y+1}\) er ráðlagður afli, \(A_{y-1}\) er ráðgjöf síðasta árs, \(r\) er hlutfall meðaltals síðustu tveggja ára (vísitala A) og meðaltals þriggja ára þar á undan (Vísitala B), \(f\) f er nálgun (e: proxy) á nýtingu (meðallengd úr afla deilt með MSY-viðmiðunarlengd) og \(b\) er varúðarmörk (ráðlagður heildarafli minnkar þegar lífmassavísitala fellur fyrir neðan gildi aðgerðarmarka).

Ráðgjöf fiskveiðiára 2022/2023 og 2023/2024 war 259 t.

\(r\) er hlutfall meðaltals vísitölu síðustu tveggja ára (Vísitala A) og meðaltals vísitalna þriggja ára þar á undan (Vísitala B) eða:

\[ \begin{align} r = \frac{ \sum_{i=y-2}^{y-1}I_1/2 }{ \sum_{i=y-3}^{y-5}I_1/3} \end{align} \]

\(f\) er nálgun á nýtingu:

\[ f = \frac{ \overline{L}_{y-1} } {L_{F=M}} \]

þar sem \(\overline{L}\) er meðallengd úr afla sem er hærri en \(L_{c}\). \(L_{F=M}\) er reiknað sem:

\[ L_{F=M} = 0.75L_c + 0.25L_\infty \] þar sem \(L_c\) ier lengd þar sem tíðnin er helmingurinn af tíðni algengasta gildis og \(L\infty\) er von Bertalanffy \(L\infty\).

\(b\) er varúðarmörk og er notað til að takmarka ráðgjöf þegar vísitala fellur undir aðgerðamörk. \[ b=min(1, I{_y-1}/I_{trigger}) \] þar sem \(I_{trigger}\) = \(i_{loss\omega}\)

\(m\) er margfaldari byggður á vaxtarhraða stofnsins. \(K\) fyrir blálöngu er < 0.2 og því er \(m\) 0.95.

Greining á stofnmati og ráðgjöf

Vísitölur frá stofnmælingu að hausti (SMH) eru notaðar til að skoða stofnþróun. Ráðgjöfin í ár reiknast þannig: Ay+1 = Ay-1 r f b m eða 259 t * 1.226 * 1.019 * 1 * 0.95 og er þá ráðgjöf fyrir fiskveiðiárin 2024/2025 og 2025/2026 307 t (19 % hækkun frá síðustu ráðgjöf) (Tafla 3).

Tafla. 3: tafla. Blálanga.

Ráðgjöf fyrir 2022/2023	259
Breytingar í stofni
Vísitala A (2022--2023)	1058
Vísitala B (2019--2021)	862
Hlutfall vísitölu (A/B)	1.23
Vísitala veiðihlutfalls
Meðallengd í afla (Lmean=L2023)	97.1
Lengd við kjörsókn (LF=M)	95.25
Hlutfallsleg vísitala veiðihlutfalls (L2023/LF=M)	1.02
Gátmörk
Vísitala seinasta árs (I2023)	1420
Aðgerðamörk vísitölu (Itrigger=Iloss×1.4)	802
Vísitala í hlutfalli við aðgerðamörk, min{I2022/Itrigger, 1}	1
Varúðarlækkun til þess að tryggja að hrygningarstofn fari ekki undir gátmörk (Blim) með 95 % líkum
margfaldari (byggður á lífssögu)	0.95
Sveiflujöfnun (+20 % / -30 % borið saman við Ay, aðeins beitt ef b ≥1)	Ekki beitt - Not applied
Ráðgjöf fyrir 2022/2023 og 2023/2024*	307 t
% breyting á ráðgjöf	+19 %

Application of the rfb-rule

• r er reiknað sem hlutfall meðaltals síðustu tveggja vísitalna og þriggja þar á undan sem gefur r=1.226 (Mynd 12, Tafla 4).

Mynd 12: Blálanga. Lífmassavísitölur úr SMH frá árinu 2000. Stofnmælingin var ekki framkvæmd árið 2011. Rauðar línur sýna meðaltalsgildi síðustu tveggja ára og þriggja ára þar á undan.

• f er lengdarhlutfalls-hluti jöfnunnar. Meðallengd úr afla síðasta árs var 93 cm og mark-viðmiðunarlengd (Lc * 0.75 + L∞ * 0.25) er 95.25 (Mynd 13).

Mynd 13: Blálanga. Meðallengd úr afla síðan árið 1976 Bláa línan sýnir markviðmiðunarlengd.

Mynd 14: Blálanga. Lengdardreifing úr afla árin 2018-2023. Rauð lína er er lengd þar sem tíðnin er helmingurinn af tíðni algengasta gildis. Svört lína (mode) er miðgildi.

• b er varúðarmörk og er notað til að takmarka afla þegar vísitala fellur fyrir neðan ákveðið gildi (Itrigger). Lægsta vísitala blálöngu (Iloss = 574, mældist árið 2000). Itrigger er Iloss * 1.4 eða 803.75 (Mynd 15). Vísitalan 2023 var 1420 og því fyrir ofan Itrigger og b því 1.

Mynd 15: Blálanga. Lífmassavísitölur frá árinu 2000. Bláa heillínan er Itrigger og bláa punktalínan er Iloss.

• m er stillingarbreyta en fyrir hægvaxta tegundir (með von Bertalanffy K <0.2), er m = 0.95.

Mynd 16: Blálanga. Von Bertalanffy vaxtarkúrfa (rauð lína) blálöngu.

Tafla. 4: Blálanga. Næmni fyrir mismunandi L∞ gildum. Mesta lengd er 150 cm, 99. hlutfallsmark er 130 cm, 95. hlutfallsmark er 117 cm og lengd frá fishbase.org er 160 cm.
	L∞ (Mesta lengd)	L∞ (99. hlutfallsmark)	L∞ (95. hlutfallsmark)	L∞ (fishbase.org)
Fyrri ráðgjöf	259.00	259.000	259.000	259.000
Vísitala A	1058.00	1058.000	1058.000	1058.000
Vísitala B	862.00	862.000	862.000	862.000
Hlutfall (A/B)	1.23	0.933	0.933	0.933
Markviðmiðunarlengd	95.25	90.250	87.000	97.750
F (Lengdarhlutfall)	1.02	1.080	1.120	0.993
Varúðarmörk	1.00	1.000	1.000	1.000
Margfaldari	0.95	0.950	0.950	0.950
Iloss	574.00	574.000	574.000	574.000
Itrigger	804.00	804.000	804.000	804.000
Ráðgjöf	307.00	324.000	337.000	300.000
Stöðugleikaákvæði	0.00	1.000	1.000	0.000
Lokaráðgjöf	307.00	311.000	311.000	300.000
Breyting %	19.00	20.000	20.000	16.000

FISKVEIÐISTJÓRNUN

Fyrir fiskveiðiárið 2013/2014 var veiðum íslenskra skipa ekki stjórnað með aflamarki. Einu takmarkanir á íslenska flotanum varðandi veiðar á blálöngu var tilkoma lokaðra svæða árið 2003 til að vernda þekkt hrygningarsvæði blálöngu. Blálanga var sett í kvóta fiskveiðiárið 2013/2014 (reglugerð 662/2013) (Tafla 5). Muninn á aflamarki og lönduðum afla Íslendinga má m.a. rekja til tilfærslna tegunda innan aflamarkskerfisins. Nettó tilfærslur hafa alltaf verið frá blálöngukvóta yfir í aðrar tegundir (Mynd 17).

Tafla. 5: Blálanga. Tillögur um hámarksafla, ákvörðun stjórnvalda um aflamark og afli af Íslandsmiðum (tonn).
Fiskveiðiár	Tillaga	Aflamark	Afli Íslendinga	Afli annarra þjóða	Afli alls
2013/14	2400	2400	1655	6	1661
2014/15	3100	3100	1900	105	2005
2015/16	2550	2550	1097	10	1007
2016/17	2032	2032	636	3	639
2017/18	1956	1956	549	4	553
2018/19	1520	1520	464	7	471
2019/20	483	483	371	5	376
2020/21	406	406	365	12	377
2021/22	334	334	369	3	372
2022/23	259	259	477	10	487
2023/24	259	259	NA	NA	NA
2024/25	307	NA	NA	NA	NA
2025/26	307	NA	NA	NA	NA

Mynd 17: Blálanga. Nettó tilfærsla á kvóta, frá blálöngu yfir á aðrar tegundir, eftir fiskveiðiárum.

STÖÐUMAT RÁÐGJAFAR

Afli blálöngu hefur farið minnkandi síðustu ár en hún er aðallega veidd í blönduðum veiðum með karfa og grálúðu. Eftir að blálönguveiðar voru settar í kvótakerfi hefur bein sókn með línu færst yfir í blandaða veiði. Nýliðunarvísitölur úr stofnmælingu að hausti gefa til kynna slaka nýliðun síðan árið 2010 en það hefur valdið breytingum í meðallengdum í rannsóknaleiðöngrum og úr lönduðum afla. Lokanir á þekktum hrygningarsvæðum ættu áfram að vera í gildi og friðuð svæði stækkuð eftir þörfum.

ÁLYKTANIR

Lífmassavísitala blálöngu nálgast lægstu sögulegu gildi og uppistaða veiðanna er stór blálanga, sem er líklegast vegna þess að engin nýliðun hefur komið í stofninn í næstum áratug. Niðurstöðurnar sem hér eru kynntar styðja almennt álit vinnuhóps WGDEEP um að varúðarnálgun sé beitt við ráðgjöf svo lengi sem lítil nýliðun er í stofninn.

Tafla. 6: Blálanga. Landaður afli af Íslandsmiðum (5a).
Ár	Færeyjar	Þýskaland	Ísland	Noregur	Bretland	Heildarafli
1974	34	1959	352	140	32	2517
1975	69	1418	554	366	89	2496
1976	29	1222	674	135	28	2088
1977	39	1253	712	317	0	2321
1978	38	0	1309	156	0	1503
1979	85	0	2063	98	0	2246
1980	183	0	8505	83	0	8771
1981	220	0	8214	229	0	8663
1982	224	0	5941	64	0	6229
1983	1195	0	5127	402	0	6724
1984	353	0	3119	31	0	3503
1985	59	0	1398	7	0	1464
1986	69	0	1771	8	0	1848
1987	75	0	1687	8	0	1770
1988	271	0	1889	7	0	2167
1989	403	0	2121	5	0	2529
1990	1029	0	1989	0	0	3018
1991	241	0	1581	0	0	1822
1992	321	0	2556	0	0	2877
1993	40	0	4204	0	0	4244
1994	89	1	970	0	0	1060
1995	114	3	907	0	0	1024
1996	36	3	1156	0	0	1195
1997	25	0	1290	0	0	1315
1998	59	9	1049	0	0	1117
1999	31	8	1819	8	11	1877
2000	0	8	1634	25	9	1676
2001	95	12	762	49	23	941
2002	28	4	1264	74	10	1380
2003	16	16	1098	6	24	1160
2004	38	9	1083	49	27	1206
2005	24	25	1496	20	26	1591
2006	63	22	1734	27	11	1857
2007	78	0	1995	4	13	2090
2008	88	0	3653	21	0	3762
2009	178	0	4129	5	0	4312
2010	515	0	6378	13	0	6906
2011	797	0	5904	2	0	6703
2012	312	0	4207	2	0	4521
2013	435	0	2769	1	0	3205
2014	10	0	1594	0	0	1604
2015	3	0	1712	4	0	1719
2016	3	0	925	0	0	928
2017	0	0	619	0	0	619
2018	0	0	502	0	0	502
2019	0	0	415	4	0	419
2020	5	0	344	0	0	349
2021	1	0	323	0	0	324
2022	1	0	427	10	0	438
2023	0	0	404	8	0	412

Tafla. 7: Blálanga. Landaður afli á Grænlandsmiðum samkvæmt STATLANT gagnagrunni.
Ár	Færeyjar	Þýskaland	Grænland	Ísland	Noregur	Rússland	Spánn	Bretland	Samtals
1983	0	621	0	0	0	0	0	0	621
1984	0	537	0	0	0	0	0	0	537
1985	0	315	0	0	0	0	0	0	315
1986	214	149	0	0	0	0	0	0	363
1987	0	199	0	0	0	0	0	0	199
1988	21	218	3	0	0	0	0	0	242
1989	13	58	0	0	0	0	0	0	71
1990	0	64	5	0	0	0	0	10	79
1991	0	105	5	0	0	0	0	45	155
1992	0	27	2	0	50	0	0	32	111
1993	0	16	0	3124	103	0	0	22	3265
1994	1	15	0	300	11	0	0	57	384
1995	0	5	0	117	0	0	0	19	141
1996	0	12	0	0	0	0	0	2	14
1997	1	1	0	0	0	0	0	2	4
1998	48	1	0	0	1	0	0	6	56
1999	0	0	0	0	1	0	66	7	74
2000	0	1	0	4	0	0	889	2	896
2001	1	0	0	11	61	0	1631	6	1710
2002	0	0	0	11	1	0	0	0	12
2003	0	0	0	0	36	0	670	5	711
2004	0	0	0	0	1	0	0	7	8
2005	2	0	0	0	1	0	176	8	187
2006	0	0	0	0	3	1	0	0	4
2007	19	0	0	0	1	0	0	0	20
2008	1	1	0	0	2	0	381	0	385
2009	1	0	0	0	3	0	111	4	119
2010	1	3	0	0	9	0	34	0	47
2011	0	6	0	0	2	0	0	0	8
2012	0	3	0	367	9	0	0	0	379
2013	0	9	4	0	0	0	0	3	16
2014	2	8	1	606	3	0	0	0	620
2015	0	5	65	46	1	0	0	0	117
2016	1	7	0	0	0	0	0	0	8
2017	0	2	4	0	4	0	0	0	10
2018	0	5	16	0	12	0	0	0	33
2019	0	7	20	0	36	0	0	0	63
2020	0	7	18	0	2	0	0	0	27
2021	0	6	1	0	9	0	0	0	16
2022	0	5	0	0	7	0	0	0	12
2023	0	7	6	0	2	0	0	0	15

Tafla. 8: Blálanga. Afli og vísitala (40 cm og stærri) úr stofnmælingu botnfiska að hausti ásamt reiknuðu markgildi (afli á Íslands- og Grænlandsmiðum)/vísitala). Stofnmælingin var ekki framkvæmd árið 2011.
Ár	Landaður afli í 5a	Vísitala	Landaður afli í 14	Lf=m/Lmean
2000	1635.88	574.11	896.00	1.03
2001	761.81	914.27	1710.00	1.04
2002	1264.67	934.15	12.00	1.08
2003	1098.03	884.38	711.00	1.06
2004	1089.91	985.41	8.00	1.08
2005	1502.33	985.72	187.00	1.06
2006	1736.04	1439.28	4.00	1.05
2007	1998.09	1075.49	20.00	1.05
2008	3653.18	1586.62	385.00	1.05
2009	4129.24	1967.16	119.00	1.02
2010	6377.87	1763.54	47.00	1.02
2011			8.73	1.01
2012	4206.66	1363.32	378.98	1.02
2013	2769.87	1683.95	16.18	1
2014	1687.64	1415.21	619.57	0.98
2015	1727.36	1113.2	94.58	0.99
2016	930.79	1105.71	8.66	0.98
2017	622.26	1090.7	9.44
2018	502.96	882.99	32.83	0.92
2019	423.98	966.65	62.55	0.9
2020	349.31	718.13	26.81	0.98
2021	331.86	902.67	16.44	1.02
2022	437.83	695	12.63	1.05
2023	412.28	1420.05	14.81	0.98

Heimildir

ICES. 2012. “Report of the Working Group on the Biology and Assessment of Deep-Sea Fisheries Resources (Wgdeep), 28 March–5 April, 2012, Copenhagen, Denmark. ICES Cm 2012/Acom:17.” International Council for the Exploration of the Seas; ICES publishing.

ICES. 2021. Tenth Workshop on the Development of Quantitative Assessment Methodologies based on LIFE-history traits, exploitation characteristics, and other relevant parameters for data-limited stocks (WKLIFE X). ICES Scientific Reports. Report. https://doi.org/10.17895/ices.pub.5985