GULLKARFI Sebastes norvegicus
Birting ráðgjafar: 7. júní 2024. Útgefið af Hafrannsóknastofnun.
Ráðgjöf
Hafrannsóknastofnun og Alþjóðahafrannsóknaráðið ráðleggja, í samræmi við nýtingarstefnu sem mun leiða til hámarksafraksturs (MSY) til lengri tíma litið, að afli fiskveiðiárið 2024/2025 verði ekki meiri en 46 911 tonn á svæðinu Austur-Grænland / Ísland / Færeyjar.
Stofnþróun
Veiðiálag er undir kjörsókn (FMSY), gátmörkum (Fpa) og varúðarmörkum (Flim). Stærð hrygningarstofns er yfir aðgerðarmörkum (MSY Btrigger), gátmörkum (Bpa) og varúðarmörkum (Blim).
Gullkarfi. Afli eftir svæðum, nýliðun, veiðidánartala (9–19 ára) og stærð hrygningarstofns. Skyggð svæði og öryggisbil sýna 95 % öryggismörk.
Stofnmat og Gátmörk
Horfur
Gullkarfi. Forsendur fyrir stofnmatsárið og í framreikningum.
Gullkarfi. Áætluð þróun stofnstærðar hrygningarstofns (tonn) miðað við veiðar samkvæmt kjörsókn.
Ráðlagt aflamark fyrir fiskveiðiárið 2024/2025 er hærri en ráðgjöf síðasta fiskveiðiárs vegna þess að hrygningarstofninn er metinn stærri.
Gæði stofnmats
Grunnur ráðgjafar var endurskoðaður í febrúar 2023 (ICES 2023). Nýja stofnmatslíkanið tekur betur tillit til breytinga í vexti og er hrygningarstofn því metinn stærri en í stofnmati síðasta árs og fiskveiðidánartala lægri.
Gullkarfi er torfufiskur og því fæst stærsti hluti hans í stofnmælingum í fáum, stórum togum sem getur leitt til tilviljanakenndra sveiflna í vísitölum milli ára.
Gullkarfi. Núverandi stofnmat (rauð lína) borið saman við stofnmat áranna 2020–2023. Ráðgjöfin árin 2023 og 2024 er byggð á nýju líkani. Áður miðaði nýliðun við 5 ára.
Aðrar upplýsingar
Frá árinu 2009 hefur vísitala smás gullkarfa (≤30 cm) verið mjög lág í stofnmælingaleiðöngrum. Þó svo að hrygningarstofn hafi verið endurmetin stærri í stofnmatinu í ár, hefur hann farið minnkandi síðan 2017. Stofnmatið gefur enn fremur til kynna að ekki sé að vænta umtalsverðrar nýliðunar á næstu árum og því er líklegt að afrakstursgeta stofnsins minnki í framtíðinni. Án nýliðunar er líklegt að stofninn minnki hratt sem leiðir til lægri ráðgjöfar.
Ekki er í gildi samkomulag milli strandríkjanna Grænlands, Íslands og Færeyja um stjórn veiða á gullkarfa. Samkomulag um stjórn veiða er í gildi milli Íslands og Grænlands sem var undirritað í júlí 2023 og byggir samkomulagið á aflareglu Alþjóðahafrannsóknaráðsins. Samkomulagið gildir frá árinu 2024.
Ráðgjöf, aflamark og afli
Gullkarfi. Tillögur um hámarksafla, ákvörðun stjórnvalda um aflamark og afli (tonn). Athugið að afli á Íslandsmiðum miðast við fiskveiðiár en afli á öðrum miðum og heildarafli miðast við almanaksár.
Heimildir og ítarefni
Stofnmatsskýrslur Hafrannsóknastofnunar 2024. Gullkarfi. Hafrannsóknastofnun, 7. júní 2024.